ناشد أحمد حسام ميدو مدرب الزمالك السابق ومصرالمقاصة السابق، أشرف صبحي وزير الرياضة وعمرو الجنايني رئيس اللجنة الخماسية باتحاد الكرة، بضرورة وضع سقف للمقابل المادي في عقد المدربين واللاعبين.
وطالب ميدو بأن العقود يجب أن تزيد كل ثلاث سنوات بنسبة لا تتخطى الـ15%.
وكتب ميدو عبر حسابه بموقع التواصل الاجتماعي “تويتر”:”لازم الوزير أشرف صبحي والأستاذ عمرو الجنايني يشتغلوا إن مفيش عقد لأي لاعب أو مدرب يتم اعتماده إلا بسقف معين يزيد كل 3 سنوات السقف ده 15 ٪.
لازم الوزير اشرف صبحي والأستاذ عمرو الجنايني يشتغلوا اه مفيش عقد لأي لاعب او مدرب يتم اعتماده الا بسقف معين يزيد كل ٣ سنوات السقف ده ١٥ ٪..الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز ٢ او ٣ لاعيبه مميزين كل موسم!!
— Mido (@midoahm) April 7, 2020
وتابع: “الأندية المصرية كلها بلا استثناء بتخسر ملايين.. وايه العائد؟ مفيش أي عائد! دوري تعبان من غير جمهور بيفرز 2 أو 3 لاعيبه مميزين كل موسم!”.
ميدو: ماينفعش لاعيب أو مدرب في الدوري المصري المتواضع فنيا يكون دخله مئات أضعاف الأطباء
واستكمل ميدو: “ماينفعش لاعيب أو مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقطاع التعليمي بالذات”.
واستمر:”اه لاعيب الكورة والمدرب لازم يأخذ تقديره بشكل جيد لأنها موهبة ومهنة صعبة جدا لكن الفروق لازم ماتكونش بعيدة أوي كده”.
وواصل: “مثلا زوج أختي دكتور مخ وأعصاب في مستشفى كبيرة جدا وعندما علمت عن دخله السنوي صعقت”.
وتابع: “ازاي واحد درس سبع سنين طب موت نفسه فيهم وبيشتغل أقل حاجه 16 ساعة في اليوم يكون ده دخله”.
وأردف: “على فكره ده الوضع في العالم كله مش في مصر بس..في رأيي إن كل ده لازم يتغير”.
وأكمل: “ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم”.
واستمر: “وهنا الموضوع مش موضوع أرزاق، الموضوع موضوع عدل، لازم يبقى في نسبه وتناسب، لازم نستغل الظروف اللي بنمر بيها وحاجات كتيرة تتعدل”.
يشار إلى أن جميع اللاعبين يخضعون للعزل المنزلي، على أثر تجميد النشاط الرياضي بشكل كامل.
ويأتي ذلم ضمن إجراءات الحد من انتشار فيروس كورونا، على أن تتواصل الحصص التدريبية بشكل فردي من المنزل.
موضوعات متعلقة..
ميدو: تأجيل الأولمبياد في مصلحة الأهلي المصري