تحدث مرتضى منصور رئيس نادي الزمالك السابق، عن أزمته ورحيله عن القلعة البيضاء في الفترة الماضية، وأزمته مع المهندس مصطفى مدبولي رئيس الوزراء.
وقال مرتضى منصور في فيديو بثه عبر صفحته الرسمية على موقع التواصل الاجتماعي: “أنا النهارده هكشف المتآمرين على نادي الزمالك، مؤامرة قطرية اتنفذت عليا لأجل إقصائي من الساحة السياسية والرياضية”.
مرتضى منصور يوجه رسالة للرئيس
وواصل: “بوجه رسالة للرئيس عبد الفتاح السيسي أنا بتبهدل عشان قولت كلمة حق، هذا لا يرضيك ولا يرضي حقوق الإنسان، قطر نفذت مخطط ضدي بالاتفاق مع حسن مصطفى”.
وتابع مرتضى: “اللواء عباس كامل مصنع للإخلاص للوطن والرئيس وهو لم يساعدني على الإطلاق، ولجأت له في ملف بناء استاد الزمالك والنادي في 6 أكتوبر، أنا دفعت قسط جديد حتى يتم السماح لي باستكمال بناء الاستاد، ولجأت له في إنشاء قناة الزمالك”.
وأردف مرتضى منصور: “أنا مغلطش في رئيس الوزراء ولا محمود الخطيب، ليه بيتهموني بكده، أنا مقولتش حاجة أنا قولتله أنت مين بس، أنا انتقدت سيادتك يا سيادة الرئيس ومعملتليش حاجة وأنا مكنتش عضو في مجلس النواب، كل ده عشان المهندس شريف إسماعيل وبعدها روحت قعدت معاه ولاقيته محترم، وانتقدتك يا فندم في العاصمة الإدارية ومحصليش حاجة برضو يا ريس”.
وأكمل: “شكرا يا أحمد يا موسى على العيش والملح أنت وعمرو أديب، اليفط بتاعتي دي يا عمرو على حسابي، عيب كده، عيب يا سيفا يا زاهر أحنا محترمين وبشكرك جدًا يا سيف شكرا ليكم كلكم”.