استنكر الكابتن رضا عبد العال لاعب الأهلي والزمالك السابق، اختفاء كأس أفريقيا وبعض الكؤوس الأخرى من داخل مقر اتحاد الكرة، معقبًا: “اتسيح واتباع”.
وقال رضا عبد العال، خلال مداخلة ببرنامج “90 دقيقة”، مع الإعلامي معتز الدمرداش، على قناة “المحور”: “الكؤوس دي هوب طارت في الهوا والموضوع نام، وممكن يقلدوها علشان يقولوا للناس أنهم لاقوها.. 8 سنين كتير أو في ناس عاشت وناس ماتت وناس كبرت، خلال 5 أو 6 شهور تعرف مين اللي سرقهم، لكن بعد 8 سنين صعب.. كأس أفريقيا ساح”.
كأس أفريقيا راح فين؟
وأشار إلى أن الفترة التي حدث خلال حريق الاتحاد، كان تعاني مصر من انفلات أمني.
واستطرد: “كله راح في الدوشة، ولو عاوز تعرف الحقيقة افتح ملفات اتحاد الكرة”.
وتابع: “الكاميرات مصورة كل حاجة، والدولة دلوقتي رجعت ووقفت على رجلها وهنقدر نعرف من سرق الكؤوس من مقر الاتحاد”.
كما طالب بفتح ملف الاقتحام لمعرفة من الذي سرق كأس أفريقيا.
كما شدد على أنه كان لا بد من فتح ملف الاقتحام مباشرة وعمل جرد كامل للمسروقات.
وأضاف: “على فكرة في حاجات تانية وبطولات تانية اختفت من الاتحاد، وهو مصنوع من الذهب، ممكن حد يسيحه ويبيعه، وممكن يكون حد شغال في اتحاد الكرة في الوقت ده هو اللي سرقهم”.
موضوعات متعلقة..