علق الإعلامي تامر أمين، على مهارة ومراوغة عمار حمدي لاعب النادي الأهلي المعار لنادي الاتحاد السكندري، للاعبي نادي بيراميدز وبالأخص الثنائي رمضان صبحي وعبدالله السعيد، خلال مباراتهم أول من أمس في الجولة الأولى ببطولة الدوري.
وقال تامر أمين خلال برنامجه “آخر النهار” المذاع علي قناه النهار: “عيب أوي أن عمار يعمل كده في اللي كانوا ولادنا عمار لاعب كتب اسمه من بداية الموسم وحتى نهايته بالمراوغة دي، كمان ده جاب جول عالمي، ابننا بقى يا جماعة”.
تامر أمين يسخر من رمضان وعبدالله
وتابع: “ترقيصة عمار لرمضان صبحي وعبدالله السعيد تساوي 66 مليون جنيه”.
وواصل: “رمضان بكش على الأهلي كان المفروض يقول من الأول أن النادي اللي هيعرض ليا عرض أكبر همضيله، لكن يفاوض ويساوم الأهلي في الفلوس، ويتكلم عن محمود الخطيب، وفجأة نلاقيه في بيراميدز ده عيب، عيب لما يقعد مع الخطيب وهو مخلص مع بيراميدز”.
#تامر_أمين يعرض ترقيصه #عمار_حمدي لـ”عبد الله السعيد ورمضان صبحي” ويعلق بـ60 مليون جنية “روح وتعالي لوحدك”#أخر_النهار pic.twitter.com/hBKNpviqlo
— Al Nahar TV (@AlNahar_TV) December 14, 2020
وأردف: “ياريت رمضان صبحي طلع وقال إنه اختار النادي اللي هيديله فلوس كتير، لا قال عشان الطموح، تخيل يا رمضان الشهر اللي انت مشيت فيه الأهلي كسب 3 بطولات، طموح وتيجي بالسلامة”.
وأنهى تامر أمين تصريحاته: “الفرق بين أحمد فتحي ورمضان صبحي، أحمد فتحي كان واضح وقال نه آخر سنة مع الأهلي، علشان أضمن مستقبلي، وراح مضى مع بيراميدز، واستقتل مع الفريق لآخر نفس، لكن رمضان مثل وادعى على النادي الأهلي”.