لاعب المصارعة.. كشفت تقارير إعلامية تناقلتها مواقع التواصل الاجتماعي، اليوم الإثنين، عن بإصابة لاعب منتخب مصر للمصارعة محمود فوزي بفيروس كورونا أثناء وجوده في أمريكا.
إصابة لاعب منتخب مصر للمصارعة بفيروس كورونا
وأكدت التقارير إصابة اللاعب المصري بالفيروس القاتل.
ويتواجد اللاعب حاليا بأحد المستشفيات، لدخوله العزل الصحي لمتابعة حالته وخضوعه للفحوصات اللازمة.
وأعلنت جامعة جونز هوبكنز الأمريكية، آخر إحصاءات أعداد إصابات ووفيات فيروس كورونا المستجد في الولايات المتحدة خلال الـ24 ساعة الأخيرة.
وقالت إن إجمالي عدد المصابين بفيروس كورونا المستجد “كوفيد 19” وصل إلى 140.904.
فيما ارتفع عدد وفيات كورونا في أمريكا ليصل إلى 2405 أشخاص.
محمود فوزي لاعب المصارعة
وكشف المصارع محمود فوزي إصابته على صفحته الشخصية عبر موقع التواصل الاجتماعي «فيس بوك».
وقال: “اللهم الا اعتراض راضي بحكمتك يارب العباد ، انك اخترتني للاختبار والابتلاء، كورونا واكتئاب وغيبوبة كله في شهر واحد”.
وتابع: “في الأول ظهرت أعراض كورونا من ٣ أسابيع وانا كنت مفكرها برد عادي بس كان شديد جدا لاني عمري ما تعبت بالطريقه دي
ولا ظهرت عليا الأعراض دي قبل كده درجه حرارتي كانت 110f و كحه ناشفة جدا وجسمي كله في وجع مش طبيعي وصداع كان بيموتني”.
وأضاف: “الحمد لله اني روحت المستشفي قبل ما يحصل التكدس اللي موجود في المستشفيات هنا في أمريكا، المهم عملولي اختبار وطلع إيجابي، ووقتها قولت الحمد لله علي قدرك يارب حتى لو أنا خلاص هموت أنا راضي بقضائك وحكمتك عشان رحمتك وسعت كل شيء، عملولي تنفس صناعي وأخدت الأدوية اللازمة، وبعدها الحالة بدأت تستقر، ووقتها طلبت منهم إني أكمل isolation في المنزل لأن المستشفيات بتجيبلي اكتئاب وأنا حالتي النفسية مش كويسة من قبل ما يجيلي الڤيروس”،
وواصل: “آسف يا أمي اني معرفتكيش كل الفترة دي بس كان من خوفي عليكي وعلى صحتك، بس أنا بطمنك إني بقيت أحسن الحمد لله بفضل ربنا ودعواتك ليا يا أغلي حاجة في حياتي”.
وتابع: “كان جوايا يقين ان ربنا هيشفيني لأنه عمره ماخذلني كل مرة كان بيحصلي حاجة وحشة في حياتي برجع وأقول شكرا يارب على الابتلاء راضي بحكمتك واختيارك ليا للاختبار والابتلاء، شكرا لحبكم ومشاعركم النبيلة ليا ودعواتكم بظهر الغيب والناس اللي كانت بتسأل علي من غير ما يعرفوا إني بمر بإيه إحساسهم إني مختفي بقالي فترة وقلقهم عليا ودعواتهم ليا كانت بتقويني كتير”.
وأضاف: “الحمد لله إن ربنا نجاني من الڤيروس والفتره اللي جاية هبدأ أتعالج من اكتئاب حاد، بس أنا واثق في ربنا وفي رحمته ومحتاج دعواتكم كتير الفترة دي لو سمحتم”.
آخر حاجة محتاج أقولها وهيا نصيحة
اقعد في بيتك.. اقعد في بيتك.. اقعد في بيتك
وقال: “انك تقعد في بيتك ده بيقلل انتشار الڤيروس بطريقه كبيره جدا وفي نفس الوقت بيخلي الجهات المختصة تعرف تتعامل مع كميه الحالات اللي بتتعرض للأصابه، لان لو الحالات زادت هتكون خارج عن سيطرت المنظومه الطبيه لان ده وباء عالمي ومفيش دوله في العالم ولا كبيره ولا صغيره كانت جاهزه لوباء زي ده
انا جالي الڤيروس لاني بسافر كتير وكنت مسافر في فتره بدايه انتشاره بس مكنش لسه انتشر هنا في امريكا زي دلوقتي،
بلاش سفر الفتره دي ، متسلمش علي حد بالايد، بلاش بوس وأحضان ، طول ما انتا بره البيت ومتحطش أيدك علي وشك أبداً ، عقم أيدك كويس جدا قبل دخولك بيتك ، اغسل أيدك كويس جدا ، ابعد عن اي شخص تحس انه عنده أعراض المرض، الڤيروس مش بينتقل غير عن طريقين
١- اما عن طريق الرذاذ يعني لو حد شايل الڤيروس وعطس او كح وكان قريب منك في وقتها ممكن ينتقلك بسهوله.
٢- لو شخص مصاب بالڤيروس وعطس او كح ولمس اي سطح بإيده زي مفتاح عربيه او تليفون او أوكره باب او اب حاجه بيلمسها الشخص المصاب وقت حامله للڤيروس اي حد بيلمس الحاجه دي بعده ممكن ينتقل ليه الڤيروس بكل سهولة.
٣-لو مش خايف علي نفسك خاف علي اهلك ، كبار السن وأصحاب أمراض التنفس والقلب هو اخطر عرضه للڤيروس يعني ممكن انت تكون شايل الڤيروس من شخص مصاب ومتظهرش عليك الأعراض وتنقلها لابوك او امك او جدك او جدتك ، فبلاش تخاطر بحياتك او بحياة حد من اسرتك وللعلم دلوقتي نسبه الإصابات بتترواح بين أعمار من ٢٠-٧٠ سنه الڤيروس مش بيفرق بين سن ولا كبير ولا صغير ولا صاحب سلطه ولا فقير ولا غني ولا رئيس ولا وزير،
ربنا يشفي كل مريض وينجي العالم من الوباء ويحميكم ويطمنكم علي أهاليكم وأبنائكم ، اللهم توفنا وأنت راض عنا غير غضبان واجعلنا في موقف القيامة آمنين مع الذين لا خوف عليهم ولا هم يحزنون برحمتك يا أرحم الراحمين”.
موضوعات متعلقة..
نجوم المصارعة الحرة يصلون إلى السعودية استعدادًا لمنافسات سوبر شو داون 2020
رئيس اتحاد المصارعة المصري يشيد بمنتخب الكويت في البطولة العربية
فضیة وبرونزیتان للكويت ببطولتي المصارعة الحرة والرومانیة بمصر