تحدث محمد مجدي أفشة نجم النادي الأهلي، عن أصعب لقطة مرت عليه خلال نهائي دوري الأبطال أمام الزمالك، وقال “كرة زيزو في العارضة، الكورة دي لو جت كانت هتبقى صعبة في توقيت صعب جدًا وقبلها حسين الشحات”.
وأكد محمد مجدي في حوار خاص ببرنامج “كلمة أخيرة”، الذي تقدمه الإعلامية لميس الحديدي على شاشة ” ON”، “مشاعري كانت كبيرة وأول مرة أقلع التيشيرت ومش مهم وقتها أخد إنذار أو طرد حتى أهم حاجة أخدت البطولة ورغم أني مش بحب اقلع التيشيرت”.
أفشة يتحدث عن لحظة الهدف
وواصل أفشة: “وقتها حسيت إننا خلصنا لانه جه في وقت قاتل وأنا كلاعب كنت بفكر في الوقت الاضافي بس إحنا كنا مهيئين نفسنا لكل حاجة بدنيًا وطول الوقت في المعسكر يوميًا بندرب على البلانتيات، وهدف شيكابالا ضايقني مبحبش يدخل فيا جول وكان جول حلو لان شيكابلا لاعب كبير ماحدش يختلف عليه”.
وعلق أفشة عن لقب أفضل لاعب: “عشان الجول الي جبته لكن أنا في الشوط الاول مكنتش زي ماتش الوداد وأكتر واحد يحس بنفسه أنا والي يقلي أنت حلو أو وحش أنا ببقى عارف نفسي أكتر “.
#أفشة: ماكنتش كويس فى مباراة نهائي أفريقيا وحصلت على رجل المباراة بسبب الهدف #الأهلي#لميس_الحديدي#كلمة_أخيرة#ON@KelmaAkhira
— ON (@ONTVEgy) November 28, 2020
وبسؤاله عن طارق حامد قال أفشة: “أنا الحمد لله مش بقلق من حد بس بحترمه وبعمل حسابه لازم أعمل كده حتى لو لاعب صغير لعب قدامي و حتى لو أقل مني فنيًا لازم أحترمه اللاعب، الي هينزل وهيقول خصمي أنا أعلى منه هبقى وحش وهو هيبقى كويس مش بحب أقلل من حد “.