طالب أحمد حسن، كابتن منتخب مصر السابق، بضرورة البحث عن كأس أفريقيا المفقود، الذي أعلنت عن فقدانه الجبلاية صباح اليوم.
وأعرب أحمد حسن، خلال مداخلة مع الإعلامي عمرو أديب ببرنامج “الحكاية” الذي يذاع على قناة mbc مصر، عن حزنه من كابتن أحمد شوبير، بسبب الزج باسمه وكأنه متورط فى سرقة كأس أفريقيا.
وتابع: “على الأقل كان كلمني في التليفون قبل ما يجيب اسمي في القصة دي، وبقالنا سنين طويلة محدش أصلا أتكلم في القصة دي خالص، وليه محدش أتكلم عن الأزمة دي غير دلوقتى؟”.
أحمد حسن يعرب عن حزنه من “شوبير”
وواصل أحمد حسن: “أكيد كل مجلس من المجالس اللي مسكت الاتحاد بيعمل جرد وبيشوف وبيعرف اللي موجود عنده، مش معقول إنهم تفاجأوا دلوقتى، وعلى الأقل في محاضر بالكلام ده، ويا كابتن أحمد شوبير لاقيت اسمي جه في الموضوع كلمني، ولو في تصفية حسابات بين المجالس وبعضها ميكونش على حساب الناس، أنا علاقتي إيه بالموضوع”.
فيما علق شوقي غريب، مدرب المنتخب الأوليمبي، قائلًا إن كأس 2006 و2008 تشبه كأس 2010، مشيرًا إلى أن كأس أفريقيا بعد أن تمت مقابلة الرئيس بيوم واحد فقط، تم تسليمه إلى اتحاد الكرة.
وأردف: “مفيش حاجة اسمها الكأس ميرجعش، والكأس ده معمول في شركة في مصر، أنا معرفش هل بيتكتب على الكأس السنة اللي تم تسليم الكأس فيها ولا لأ، لكن معتدقش أن ده بيحصل”.
وأنهى حواره: “واللى معاه كأس 2010 يجيبه ونعمله كأس جديد مكانه لأن ده تراث رياضي في الكرة المصرية، وهو حاجة مش هتتكرر تاني”.
موضوعات متعلقة
«تقنية العار».. تعليق مثير من رئيس وادي دجلة عقب الهزيمة من الأهلي
جاري التحميل ...
